ప్రతిఒక్కరికి సందేహాలు(doubts)ఉంటాయి.కొన్ని సందేహాలు తెలికపోయినా పరవాలేదు.ఆరోగ్యవిషయములో ఉన్న సందేహాలు అందరికీ తెలియకపోవచ్చును.ఒకరికి కలిగిన సందేహమే ఇంకెంతోమందికి కలగవచ్చును. అలా వచ్చే కొన్ని సందేహాలకు జవాబులు చెప్పేప్రయత్నమే ఈ బ్లాగ్ ముఖ్యఉద్దేశము .
ప్ర : నా శరీరము ఎక్కువగా దుర్వాసనగా ఉంటుంది . దానిని ఏవిధముగా పోగొట్టుకోవాలి?
జ : స్వేదము , బ్యాక్టీరియా కలగలసి పోవడం వల్ల శారీరక దుర్వాసన ఎక్కువగా ఉంటుంది. మామూలుగా అయితే చెమటవాసన చెడువాసన వెయ్యదు. చెమట + బ్యాక్టీరియా చర్యవలన చర్మము ముడతలు దగ్గర దుర్వాసన గా ఉంటుంది. ఇలా ఉండడము శరీర తత్వము , శరీర పరిమాణము , బయట వాతావరరము మున్నగు అంశాలపైన ఆధారపడి ఉంటుంది.
సరైన వస్త్ర ధారణ , వ్యక్తిగత పరిశుభ్రత పాటించడము వలన ఈ సమస్యను ఇట్టే తొలగించుకోవచ్చును . . . కాని కొంతమం ది విషయము లో ఈ సింపుల్ సూత్రము పనిచెయ్యదు . శారీరకమయిన దుర్వాసనకు ఇతరత్రా కారణాలు కూడా ఉంటుంటాయి. మెటబాలిక్ సమస్యలు( మధుమేహము) , ఒత్తిడి శారీరక దుర్వాసనను పెంచుతాయి. అత్యధిక ఒత్తిడి స్థాయిలు శరీరము లో " ఎపో్క్రెయిన్ " గ్రంధులు స్వేదాన్ని ఎక్కువగా ఉత్పత్తి చేస్తాయి. కొన్నిరకాల ఆహారపదార్ధాలు దుర్వాసనకు దోహదపడతాయని అంటారు కాని ఇది శాస్త్రీయము గా ఋజువు కాలేదు.
నివారణ :
- పెప్పర్మెంట్ ఆయిల్ శరీరక దుర్వాసనను పోగొట్టును . ఈ నూనెను చర్మము సులువు గా గ్రహిస్తుంది.
- యాంటిపెరిస్పిరెంట్ లోషన్లు , స్ప్రేలు బజారులో దొరుకును ... వాడితే రోజంతా దుర్వాసస ఉండదు.
- డియోడరెంట్స్ దుర్వాసనను అడ్డుకొని రోజంతా తాజా ఉంచుతాయి.
- ప్రతిరోజూ రెండుసార్లు మంచి సబ్బుతో స్నానము చేయాలి.స్నానము చేసే నీళ్ళలో నిమ్మ రసము , పుదీనా వేసి స్నానము చేస్తే ఈ దుర్వాసన బారి నుండి బయటపడవచ్చును .
- ప్రతిరోజూ లోదుస్తులు మారుస్తూ ఉండాలి , గాలి ఫ్రీ గా తగిలే దుస్తులే వాడాలి.
*===========================
visit my website - > Dr.Seshagirirao-MBBS -
No comments:
Post a Comment
Your comment makes me to improve this blog.