Alzimers disease, forgetfulness, తరచుగా విషయాలు మర్చిపోతున్నాను కారణము ఏమైఉంటుంది?,అల్నీమర్ వ్యాది

• 
  

• 
  

ప్రతిఒక్కరికి సందేహాలు(doubts)ఉంటాయి.కొన్ని సందేహాలు తెలికపోయినా పరవాలేదు.ఆరోగ్యవిషయములో ఉన్న సందేహాలు అందరికీ తెలియకపోవచ్చును.ఒకరికి కలిగిన సందేహమే ఇంకెంతోమందికి కలగవచ్చును. అలా వచ్చే కొన్ని సందేహాలకు జవాబులు చెప్పేప్రయత్నమే ఈ బ్లాగ్ ముఖ్యఉద్దేశము .

 ప్ర : తరచుగా విషయాలు మర్చిపోతున్నాను . మాటల్లో ఒక్కోసారి పదాలు కుడా గుర్తుకు రావడము లేదు . కారణము ఏమైఉంటుంది?, ఇది అల్జీమర్స్ తొలిదశ అనుకోవాలా?.

జ : ఇలా జ్ఞాపకశక్తి పోవడానికి ఎన్నో కారణాలుంటాయి.

• ఒత్తిడి , 
• డిప్రెషన్‌ , 
• యాంగ్జైటీ , 
• పోషకాహారలోపాలు , 
• స్ట్రోక్ , 
• ఎక్కువ ఆల్కహాల్ అలవాటు , 
• అల్నీమర్ వ్యాది , 
• డిమెన్సియా ,   లాంటి ఎన్నో కారణాలు . జ్ఞాపకశక్తి పోవడానికి దారితీస్తాయి. 

అల్జీమర్ వ్యాధి ఒక రకం దెమిన్షియా లాంటిది . తొలిదశలో జ్ఞాపకశక్తి తగ్గడము ... లేదా ఏకాగ్రత లోపించడం వంటి ఇతర కారణాల మాదిరే కనిపిస్తాయి  . ఒక సారి మంచి వైద్యుని కవండి . తగిన పరిష్కారము సూచిస్తారు. 
వయసు తో వచ్చే వ్యాధుల్లో " అల్జీమర్స్ " ఒకటి . ఇది మెదడుకు సంబంధినది . మెదడు కణాలలో ఏర్పడిన లోపం జ్ఞాపకశక్తిని హరిస్తుంది. గతములో చూసినది ... అవసరము అనుకున్నప్పుడు గుర్తుకురాదు.

మనుషులనైనా ,వస్తువులనైనా జ్ఞాపకము పెట్టుకోవడములో ఇబ్బంది ఉంటుంది. అల్జీమర్స్ రాకుండా ఉండాలంటే పండ్లు , పండ్లరసాలు , కాయకూరలు , సూప్ లు ఆహారము లో భాగము గా చేసుకోవాలి. ఇలా పండ్లు , కాయకూరలు తినేవారిలో అల్జీమర్స్ వచ్చే అవకాశము 76%తక్కువగా ఉంటుందని తేలింది.  మెదడు కణాలలో " బీటా ఎమైలాయిడ్ " ప్రోటీన్‌ చేరడము వల్ల అల్జీమర్స్ వస్తుంది. అలా చేరే ప్రోటీన్‌ ని నిరోధించే శక్తి కలగిన పాలీఫీనాల్ రసాయనాలు పండ్ల రసాలలో ఉంటాయి.

చికిత్స :

వృద్ధాప్యంలో తీవ్ర మతిమరుపును, తికమకను తెచ్చిపెట్టే అల్జీమర్స్‌ రోజువారీ పనులను బాగా దెబ్బతీస్తుంది. ముందు నుంచే కొన్ని జాగ్రత్తలు తీసుకుంటే దీన్ని నివారించుకునే వీలుంది.

    * ఒమేగా-3, ఒమేగా-6, విటమిన్‌ ఈ, బీ12 దండిగా లభించే అవిసెలు, అక్రోటుపప్పు, పిస్తా, బాదం, జీడిపప్పు, పెరుగు, పాలు, మాంసం, చేపల వంటివి తరచుగా తీసుకోవాలి.
    * వ్యాయామం వల్ల అల్జీమర్స్‌ ముప్పూ తగ్గుతుంది. మెదడుకు రక్తసరఫరా బాగా జరుగుతుంది. దీంతో కొత్త మెదడు కణాలు అభివృద్ధి చెందే ప్రక్రియ కూడా ప్రేరేపితమవుతుంది.
    * మెదడుకు మేత పెట్టే చిక్కు సమస్యలను పరిష్కరించటం, పదకేళీలు పూరించటం, చదరంగం ఆడటం వంటివి చేయాలి. మెదడులోని కణాలు చురుకుగా ఉండేలా చేస్తున్నకొద్దీ ఆరోగ్యకరమైన కణాలు సజీవంగా ఉంటాయి. రోజూ ధ్యానం మెదడు ఆరోగ్యానికి తోడ్పడుతుంది.
    * వారానికి కనీసం మూడు సార్లయినా తాజా పండ్లు తినాలి. వీటిల్లోని ఫాలీఫెనాల్స్‌కు అల్జీమర్స్‌ను నివారించే సామర్థ్యముంది.
    * తగినంత నిద్రపోవాలి. ఇది మెదడును తాజాగా ఉంచుతుంది. శరీరానికి, మనసుకు విశ్రాంతి కలిగిస్తుంది. వయసు మీద పడకుండా చేసే హార్మోన్లను విడుదల చేస్తుంది. ఈ హార్మోన్లు మెదడునూ చురుకుగా ఉంచుతాయి.
    * మద్యం, పొగ అలవాట్లకు దూరంగా ఉండాలి.

• =========================== 

visit my website - > Dr.Seshagirirao-MBBS -